Pajenn:Le Garrec - Moueziou an Abardaë-Noz.djvu/74

— 70 —

SON NIGOUDEN

————

(War an hevelep ton gant ar « C’hemener »)

D’ar c’houlz ma vevê Nigouden
Skanv-benn,
D’ar c’houlz ma vevê Nigouden,
E c’houzañvas gwall blanedenn,
Tra la la la la la la la,
E c’houzañvas gwall blanedenn
Dre ma fazîas penn-da-benn.

Fazîa reas o tont gwann,
Hep mann,
Fazîa reas o tont gwann
En eur bed lec’h ma pik al lann,
Tra la la la la la la la,
En eur bed lec’h ma pik al lann,
Lec’h ne vê netra ’med dre gann.

Fazîa reas o c’hoantât
Traou mad,
Fazia reas o c’hoantât
Traouigou flour ha dilikat,
Tra la la la la la la la,
Traouigou flour ha dilikat,
Hag hen n’evoa ket aez da gât.