Me vèn trezein er morik douç En dès trezet é vaghik kouz. Me halon zo, etc. Drest peb-tra me vèn pedein Doué Ghet-n-oh, broïsèd, lan a fé. Me halon zo, etc. Me vèn èl oh, ar men deulin, Ér vinèd eit me zud pedein. Me halon zo, etc. Ghet-n-oh me larei pedenneu Én un ilis dû dré vlaïeu. Me halon zo, etc. Me vèn é Breih bout béïet, Hag étal me mam beur laket. Me halon zo, etc.
É borh Pléren, é hès un dal Péhani n’en dès ket é bar ; Ne vehé ket kavet un al Èl Job ér puar horn ag en doar. Job a houér kement tra zo bet A houdé kand vlai ér barrès ; Pihue zo marv ha pihue zo gannet, Job el laro d’oh én é ès.
