AVERTISSAMANT.
————
Var ton : Fleuve du Tage.
Doue, pa grouas
Adam, hon tad qenta,
Ountàn a dennas
Hor mam guenta Eva.
Lavarat a ras dezo
En em garout entrezo,
Beza fidel
En gloar an Eternel.
P’eo güir hon Autrou
A zell vel ar c’haera
Eus e benn-œuvrou
Hac Adam hac Eva,
Assur hon oll doctoret,
An darn-vuia borodet,
Daoust d’o oll loc’h,
Na rajent qet güelloc’h.
Lêzomp da champal
Ha da grial bemde
Nep a fell tamal
Lezen ar garante.
En em garomp, va Mestres,
Bezomp fidel da james,
Hac evelse
E plijimp da Zoue.
|
————
