Adlennet eo bet ar bajenn-mañ
FANCHIK HA JANIK.
————
Deac’h d’abardeiz, goudè ’n tòmder,
Pa oan ò vàlé dré ’r parkou,
’Klewiz eur vouez huël ha sklezr,
O kàna war-duz ar prajou.
— « Mé ez ia eur wech c’hoaz béteg ti ma mestrez,
» Ha pa gollfenn ma foan, gret am eùz alièz :
» Ann dud a lavar d’in am eùz amzer gollet,
» Ha mé, ’wit hò c’hlewet, bepred n’ho c’hredan ket. » —
Ha mé ’chôm ’n em zao da zelaou :
Ha ma klewiz neuzè zoudenn
Eur vouezik-all, en touez ar faou,
Pehini a gàné, ’vel-henn : —
