Mar plij ganec’h a selaoufet
Ur werz ’zo a newez zavet,
Ur werz pitoïabl a drue,
Gret da varkizes Degange…
Merc’h ’oa d’ann duk euz a Rohan,
Na oa nemed-hi hi unan ;
Penheres ’oa, pa na oa ken,
Heritoures d’hi holl voïenn.
Dont ’ ra hi zud da gonklui,
’Vije red lakad hi deski
Er c’hadans hag ar c’hademi [1],
Ewit parlant gant peb-hini ;
Er c’hademi hag ar c’hadans,
Ewit diskour gant ann noblans.
Etre daouzek vloaz ha trizek,
En Rohan ez e konkluet
Hi dimi d’ur markiz puissant,
Markiz ann I, un den vaillant ;
Hi dimi da varkiz ann I,
Hi c’harantez hag hi holl spi.
Tri miz anter e bet padet
Ar solennite ann eured,
Ar zonerienn, ar bal, ann dans,
Visito bemde d’ann noblans.
Pa ’z eo ann tri miz achuet,
Ar brezell ’zo bet disklezriet ;
Ma renk ’r markiz mont d’ann arme,
Allas ! he gark hen goulenne.
Em gavet ’ ra ann daou arme,
Sevel ur gombat etre-z-he :
Krog-ha-krog ann daou enebour,
Allas ! ma ’z int kouezet en dour !…
- ↑ Ces mots cadence et académie, employés par un paysan illettré qui n’en connaissait sans doute pas la signification, doivent s’entendre dans le sens de les belles manières, les manières de la cour.
