Tud ar justis, ’wit ho lakad,
Mar na ret ket a justis vad :
Roët d’am les-vamm ’r gwall-varo,
Ma zad da baëa ar c’hargo. —
’N aotro Lomaria ’lare
Da varon ’l Lintier en de-se :
— Avanset kaer eo ho ligne.
Lakad distrujan ho pugale ! —
Al Lintier koz a respontas
Da Lomaria, p’hen klewas :
— Gwell ve ur jardin dram-c’hoennet,
En-hi drouk-louzou dioanet. —
Ann archer bihan a lare,
’N ti ’l Lintier koz pa arrue :
— Demad ha joa holl en ti-man,
Barones ’l Lintier, pa n’hi gwelan ?
Barones ’l Lintier pa n’hi gwelan,
Rag me ’zo deut d’hi c’hlask aman :
Bars en Razon ’zo ur banket,
’Oc’h pedet da digommerret. —
Ar Varones, pa d’euz klewet,
Hi habit gwella d’euz gwisket ;
Hi habit gwella d’euz gwisket,
’Wit mont da Razon dar banket. —
. . . . . . . . . . . . . . . . . . . .
Barones ’l Lintier a lare,
Diwar ar potans ’n hi c’hoanze :
— M’am bije goufet dont d’ar maro ama,
’N ’m bije ket gwisket ma habit gwella ;
’N ’m bije ket gwisket ma habit gwella,
Da roï d’ar bourreo da uza ! —
Kanet gant Mari-Job Kerival. — Kerarborn, 1840.
- ↑
Une autre version se termine ainsi :
Ervoanik ’l Lintier a lare
War ar potanz pa arrue :
— Me ’well ’c’hann ti ma mamm, ma zad,
Me garrie ve en tan ha gwad !
Me ’wel ma lesvamm ’n hi c’hambrjou,
Hag hi son ar biniou ;
Hi o son gant ur violanz,
D’ deski d’hi merched ar c’hadanz !…… —