— C’hui a vije a-walc’h d’am grad,
M’ho bije gwennou daoulagad :
Gwennou daoulagad n’oc’h euz ket,
Ho treid a zo vel treid kezek ! —
’N aotro ’r person a c’houlenne
Euz ar mal iaouank, p’hen gwele :
Petra ’glaskes war-dro ma zi ?
Me na ian morse d’as hini. —
— Me a zo ac’hann a bell-bro,
Ma brendeur-all ’zo evel-t-on ;
Me a zo ac’hann a bell-bro
Mab Lusufer eo ma hano. —
’N aotro ’r person a c’houlenne
Euz Janedik ar Wern neuze :
— Janet ar Wern, d’in-me laret
Petra pec’het oc’h euz nac’het. —
— N’am euz nac’het pec’het abed,
Med seiz dimizi am euz gret ;
Me am euz gret seiz dimizi,
Heb ober kontrat euz hini :
Heb ober kontrat euz hini,
Med ar wes-ma, siouas a rinn !
. . . . . . . . . . . . . . . . . . . .
Pa ’z ia Janet ’traon gant ’n iliz
Ez ia ken kaer ha fourdeliz ;
Pa ’z ia d’ann nec’h gant ann aoter,
Ez ia ken du ha Lusufer.
. . . . . . . . . . . . . . . . . . . .
. . . . . . . . . . . . . . . . . . . .
. . . . . . . . . . . . . . . . . . . .
— Ur banket kaer a-walc’h ’zo bet,
Med ar vroeg eured ’zo kollet ! —
Ann aër-wiber a lavare
Da zonerrienn ’n eured neuze :
— M’oc’h euz c’hoant gwelet Janet ’r Wern,
Deut ganin da fonz ann ifern ! —
