Glaoudinaïg Kabon ’lâre,
Er gêr n’he mamm pa arrue :
— N’ oun petra d’ar merc’hed ’m eûs grêt,
Gant ma reont euz ma sellet, [1]
O lâret : — Setu Glaoudina Kabon,
Braoa plac’h iaouank ’zo ’n Léon !
Glaoudina Kabon ’lavare
Er gêr d’he zad pa arrue :
— Un davanjer newe ’m eûs bet,
Kadet Lezveur ’n eûs-han paeet.
— Kaset ho tavanjer d’ar gêr,
Laket-ewez na ve re-ger.
Glaoudina Kabon ’vonjoure,
Bars al Lezveur pa arrue :
— Bonjour ha joa holl en ti-man,
Kadet Lezveur pelec’h eman ?
— Et eo, Glaoudina, d’ar jardinn,
Da c’hortos lein da darewi.
. . . . . . . . . . . . . . . . . . . .
— Deut ganen, Glaoudina, ma mestres,
Na ewit tanva ar peches ;
Na ewit tanva ar peches,
Klewet am eûs ’z hoc’h dougeres ?
— Mar d-on dougeres, goûd a ouzoc’h,
N’eûs den kiriek d’in nemet hoc’h ;
- ↑ Locution bretonne difficile à traduire littéralement.
