Adlennet eo bet ar bajenn-mañ
87
levenez ha karantez ar bobl evit jeann.
C’HOUEZEKVED KENTEL
Ar Zaozon a dec’h divar dro Orleans. Keariz a gan an Te Deum gant Jeann. Eur marc’hek speredek. An den santel Gerson a lavar e ma Doue gant Jeann d’Arc. Komsou guerc’hez Orléans : « Ne badin nemeur ouspenn bloaz, greomp labour vad. »
En nosvez-se, Talbot a vodaz en dro d’ezhan an oll gabitened saoz evit en em glevet gantho. Mantret oll oant o velet peger buan e doa eur verc’h dizesk freuzet ho labour var dro Orleans. Seiz miz araok o doa savet ar mail kenta euz ar jaden kestell a gelc’he Orleans ; epad ar seiz miz-se, en despet da galon ar Fransizien, o doa starteat bemdez ar jaden var dro kear ; daou ugent mil lur benag a zispigne bep miz roue Bro-Zaoz evit paea he dud, ha setu en eur zizun kaset an oll gounidou-ze da netra. Setu ma c’houlennaz Talbot digant he offiserien : « Petra raimp ? »
