Ut voluptates fugiat fugacis
Sæculi, solo sale, pane, lymphà
Pastus, æternum meditatur arctâ
Numen eremo.
At Leonensem mare per Britannum
Vectus ad ripam, domuit cruentum
Victor invictus, domitumque mersit
Æquora monstrum.
Laus Deo Patri, decus atque virtus,
Laus Dei Nato, parilisque Sancto
Pneumati cujus viget universus
Numine mundus. Amen.
Gousperou ar zul, paj. 496.
Vexilla Regis prodeunt, Fulget crucis mysterium, Quo carne carnis conditor Suspensus est patibulo.
Quo vulneratus insuper, Mucrone diro lanceæ, Ut nos lavaret crimine, Manavit undâ et sanguine.
Impleta sunt quæ concinit David fideli carmine, Dicens in nationibus : Regnavit à ligno Deus.
Arbor decora etfulgida, Ornata Regis purpurà, Electa digno stipite Tàm sancta membra tangere.
Beata, cujus brachiis, Secli pependit pretium; Statera facta corporis, Prædamque tulit tartari.
O Crux, ave, spes unica ! Hoc passionis tempore, Auge piis justitiam, Reisque dona veniam.
