Adlennet eo bet ar bajenn-mañ
Ar galoun e deuz he lavar,
Hag ar genou he dislavar.
Ar galoun vad zo pinvidik,
Nerz a zigas d’ar reuzeudik.
Ar garantez, ar gourc’hemenn
A zo enn-han ann holl lezenn.
Ar garantez, d’en em vaga,
Rank kaout ouspenn dour ha bara.
Ar garantez, dre ma kosa,
’Vel gwin mad, ia gwelloc’h gwella.
Ar garantez laka hevel
Roue ha tiek, mestr ha mevel.
Ar garantez zo d’ar gened,
Evel gliz ann hanv d’ar boked.
Ar gened zo war-lerc’h ar mad,
Keid ha ki kamm warlerc’h eur c’had.
Ar gwella bara da zibri,
A vez gounezet o c’houezi.
