Adlennet eo bet ar bajenn-mañ
Korf ann den zo loen fall, he ene zo eunn eal ;
Pa vale al labouz, ann den dlefe nijal.
Koulz paour ha pinvidik, klaskit eur gwir vignoun,
Ha pa vezo kavet, dalc’hit mad d’he galoun.
Krenit rak ar pec’hed hep kaout aoun da vervel,
Mervel a laz ar boan, pec’hi n’eo ket hevel.
Kristen ne dle tenna lagad evit lagad ;
Gwella zo da ober eo kas ann drouk da vad.
Kuzet eo er girin koz traou zo bet gwechall ;
O furguta enn-han e vez klevet c’houez fall.
Kuzit oc’h ho mignoun ar vez zo dirak Doue,
Anez ho tamallfe gant rebech hoc’h ene.
――――
Kaera a zo eo al lagad,
Pa vez digor war galoun vad.
Kaera kanaouenn zo er bed
A zo mouez ar muia-karet.
