Pajenn:Milin - Furnez ar geiz.djvu/78

Adlennet eo bet ar bajenn-mañ


Gwelloc’h d’ann douar nebeud a had,
Evit kalz ed, nebeud c’houennat.

Gwelloc’h eo peoc’h ha dour stivel,
Evit morlarjez gant brezel.

Gwelloc’h evit aour ha gened
Eur spered eaz da bep pried.

Gwerza brud vad evit arc’hant,
Perz eunn den fall, eunn den diskiant.

Gwir garantez a zo ker mad,
Ma wella dre ma kresk ann oad.

Gwir garantez ne c’hoar kaout aoun,
Dreist kaloun mamm ne deuz kaloun.

Gwir eurusded zo hep mui-ken
’Tre Doue hag ann ene kristen.

Gwiska enor ne d-eo ket mez,
Pa na vez ket turiet stlabez.

Gwisiegez vad a laka ’nn den
Da blega stum kaloun ha penn.