Adlennet eo bet ar bajenn-mañ
Mennoz ann den hag he ene,
Zo great evit nijal d’ann Ee.
Merc’h re welet, sae re wisket,
Gant tud zo fur ne d-int klasket.
Merc’h zo re zibreder,
Zo merc’h pep gwall-ober.
Mervel ne d-eo ket eunn ebad,
Pa ve er bed poan a zruillad.
Meuli ar mad hag ober fall,
Hep gout d’ezho a ra tud dall.
Meuli dreist penn gaou eur mignoun,
Zo klask mouga iud he galoun.
Meulit ann deiz, pa vez pardaez,
Ann den, pa vez eat he vuez.
Mirit atao gwin dioc’h mesvier,
Denved dioc’h bleiz, madou dioc’h laer.
Mont tost d’ann tan ne dlefent ket,
Ar stoufaillou nag ar merc’hed
