Adlennet eo bet ar bajenn-mañ
95
MARVAILLOU GRAC'H-KOZ
Evit temzi pep douar da rei ar gwella traou
Nebeud a dra ve red, ma karfe pep aotrou
Tenna kresk, komision diwar bep koumanant,
Kaout truez oc’h ann tiek hag oc’h he ialc’h damant,
Lezel ann Aotrou-Doue da rei glao pe avel,
Derc’hel sioul he c’henou hag he galoun izel.
AR BLEIZ HAG AR CHASEER
Lakaat bern-war-vern a zo eul loen spountuz,
Oc’h kement-zo e luc’h gant daoulagad c’hoantuz ;
Heuzuz eo da welet.
Tud mac’houm ha tud piz, deut out-han da zellet !
Ha pa ve ar bed holl teuzet enn he galoun,
War gorre, enn-hi c’hoaz, ve beuzet eur mor doun.
Piou zesko d’ann tousek, amprevan louz, hudur,
Beva hervez ar reiz, evel a ra ar fur,
Ha dibri hep kaout aoun
Da vervel gant ann naoun ?
