Pajenn:Milin - Marvaillou Grac h-koz.djvu/128

111

MARVAILLOU GRAC'H-KOZ

A vez gan-e-hoc’h dineisiet,
Ha lakeet e kaouedou,
Da vervel gant naoun ha gant riou.
Ann dra-ze rit ha ne reoc’h ken,
Goude klevet mad va c’helenn :
— « Gant den e-bed ne vez karet
» Bugale fall ann drouk spered.
» Ann drouk a reomp d’ar re vihan
» A gouez war hor penn hon-unan.
» E gwirionez, Doue a zo leal,
» Ne zigas mad d’ar re ra fall ;
» Biskoaz digastiz ne lezaz
» Nag ar muntrer, nag ar iuzaz.
» Iud ar bugel, muntrer ann den
» Gar ober poan d’eur geillenen
» Diwar c’hoarzin, diwar c’hoari.
» Hou-nez da zen ’n’eo kevridi ;
» Rak pep labouz, gwezit er-vad,
» Evit eunn dra-bennag zo great.
» Evel d-hoc’h, en deuz gourc’hemen
» Da viret er bed penn-da-benn.
» Ar gourc’hemen-ze, bugale,
» Ober vad ann eil d’egile,
» A vez torret, o tineisia
» Labousigou great da veva,