Pajenn:Milin - Oeuvres posthumes - 1.djvu/3

ENEZ-VAZ

Pevar ugent vloaz a zo

————

I

Ilis kos Sant Paol Aurelian ^[1]

————

1Kosa iliz ’zo tro war-dro
A zo, Eneziz, enn ho pro ;
Ilis savet he mogeriou
Gant sant Paol ha gant ho tadou.

2Trizek kant vloaz zo abaoue
M’eo bet konsakret da Zoue,
Ha kant vloaz tost ne deus ken toen,
Nemet an nenv a zioud he fenn ^[2].

3Eleac’h hoc’h ilis Paol genta,
Peder voger a zo brema,
Peder voger, enn dro d’ezho
Eur bern treaz gwenn hep netra veo.

4Heb iliaven na tamm glasder
Nemet mein noaz gant gwall amzer
Nemed ar mor a doull enn dro
Da zont dioc’h an daou du war-n-ho.

1. L’auteur écrit kos devant une consonne forte (k p t s).
2. Aujourd’hui généralement : a ziouz.