Adlennet eo bet ar bajenn-mañ
— 80 —
Enn he galoun ’ voa kalounad
Ha daelou leiz he zaoulagad,
Pa rankaz mont koz, hanter-zall
Dioud he Iliz, he brespital.
Pa n’helle choum ez eo bet eat
Da vro he vamm, da vro he dad
Enn ho c’hichen paour da vervel
D’harpa he vez oc’h he gavel.
E ti gwella beleg a zo
E Plougouloum eo bet maro
Etre divreac’h diou galoun vad
Bet d’am eontr-koz ’vel breur ha tad.
Tad ar persoun, breur ar mevel
Da ober vad ho daou hevel,
Entend a reont euz ar c’heas koz
Entend ho daou enn deiz, enn noz.
D’ezho evid ho madelez
D’an dud vad all, kant trugarez !
Bezet Bennoz Doue war-n-ho !
Tud vad ’vel-d-ho war ho maro.
————
