Adlennet eo bet ar bajenn-mañ
— 224 —
garekaat ann Dreindet. Enn doare-ze hor feiz er mister braz-ma a vezo bepred startoc’h, ha goude beza kredet enn Tad, er Mab hag er Spered-Santel a hed hor buez, ni ielo eunn deiz d’ho guelet e sklerijen ar baradoz. Evel-se-bezet-great.
GOUEL AR ZAKRAMANT
(Sant Iann, Chab. vi.)
————
Enan deiz-ze Jezuz a lavaraz d’ar
Iuzevien a ioa enn dro d’ezhan : Va
c’horf zo e guirionez eur vagadurez, ha
va goad zo e guirionez eunn evaj. Neb
a zebr va c’horf hag a ev va goad a
jomm ennhon, ha me ennhan. Evel
ma’z oun digaset gant ann Tad a zo
beo, ha ma vevan me dre ann Tad,
evel-se ive neb am debro a vevo dreizhon.
Hema eo ar bara diskennet euz
