LAN
Lakaat a raffen e klaoustre
E nac’h ouz e vevel e zle !
GOULC’HEN
Evidoc’h-c’houi, da vihanan,
A dlefe chom sioul aman,
Rak gwir-bater eo, me lavar
Ema va zra ganeoc’h, heb mar.
AR BARNER
Va zra, petra ?
GOULC’HEN
Va zra, petra ? Netra, aotrou !
Brasa riblaer ar vro, m’hen tou,
Eo. Mes p’emaoc"h a du gantan
Ne glaskin ket ken e zamman.
AR BARNER
A du gantan ! Ne zonjit ket,
Kompezit eta ho spered.
LAN
Ar mesaer-ze n’hell ket respont
D’ar pez a lakear var e gont,
Nemet sikouret e vefe,
Ken aounik eo !
Ken aounik eo ! Hag evelse.
Mar kirit rei d’in gourc’hemen,
Me glasko an tu d’e zifenn.
AR BARNER
Hennez ? Ne dal ket kalz ar fred
Koll amzer d’e zifenn, me gred.
