GOULC’HEN
Ha ’ta ! ne vezin ket paeet.
LAN
Paeet petra ? Piou a gav d’eoc’h
Oun-me da vihana ? Sotoc’h
Oc’h, kant gwech, eget hennez.
Asa, daonet, n’ho peus ket mez ?
GOULC’HEN
C’houi hoc’h unan, ha nan eun all,
A deuas deac’h da noz em stal
Da brena mezer.
LAN
Da brena mezer. Me, Goulc’hen ?
Marteze Glaoda ar Pont-prenn
Eo : hennez a zo dem-henvel
Ouzin.
GOULC’HEN
Ouzin. Ya, kredabl, ’rimadell
Selaou — eun tamm brao bras a gemm
A zo etrezoc’h — hag ho tremm
’ Zo rusoc’h eget e hini…
— Sell ! mes deac’h ’ oac’h klanv en ho ti.
LAN
Set’ aman ’vad eur marvailh ail
Hag eur c’helou ha n’eo ket fall !
Klanv. me ? anzavit ez oc’h foll.
Ho follentez ’ zo sklear d’an holl.
