Adlennet eo bet ar bajenn-mañ
93
Dragon Sant Paol.
VIII DIVIZ
An drouis-meur e unan.
Sellet a ra gant tristidigez ouz e dud o vont da ambroug Paol. Hag e lavar goustad, goustad.
Treac’het oun ganed Paol.
Treac’h eo beleg ar C’hrist da veleien an heol.
Echu eo va amzer, maro an doueou,
Va maro va-unan a glozo o lidou.
(Tec’hed a ra o kuzat e benn e pleg e vantell endre ma tizro an Arvoriz hag ar Vretoned youc’hadennou a levenez ganto).
IX DIVIZ
Bretoned hag Arvoriz.
PAOL.
En han Doue Drouiz deuz davedomp en dro,
Ar C’hrist en e iliz laouen az kemero.
URY.
Mil bennoz d’id o Krist, Doue nevez Arvor,
D’id adalek hizio ar vro-man zo digor.
Keit ha m’en dô Arvor ar mor glaz da c’houriz
Da hano vô meulet gant an oll Arvoriz.
