Adlennet eo bet ar bajenn-mañ
20
Dragon Sant Paol.
PATRIK.
Ya !
KADOUR.
Potred ar skod-tan, ra vezint pulluc’het
Gant hon Doue Taran.
PATRIK.
Arabad eo goulenn
Ma kouezo euz an nenv malloz ebed war den
KADOUR.
Kaset o deuz hor gouenn hag hor bro da netra
MILLOUR.
Ra gouezo warno oll an oablou d’o flastra
KADOUR.
Pa ne ve m’eo ec’hon dounder hor c’hoajou
Ha pa ne ve m’eo braz galloud hon doueou
Edo great a vreman ar rins ebarz er vro
Ha sebeliet hor gouenn e linsel ar maro
MILLOUR.
N’o deuz nemed lakaat o fri war hon aochou
KADOUR.
Neuze war an teven e straklo o c’horfou
AR BOTRED.
Mil malloz d’ar zaozon !
