Adlennet eo bet ar bajenn-mañ
25
Dragon Sant Paol.
NUZ.
It atao mont a rin
O c’hedal Lan Gerlaz ha Sane Kerivin
Emaon eur pennad ’zo.
MILLOUR.
Ha c’houi jomo gant Nuz
Pe ganeomp e teufot da c’houel an heol ruz !
PATRIK.
Na ganeoc’h na gant den, rak ne c’hellan ket mont.
KADOUR.
Ha petra ’ta neuze a vir ouzoch da zont.
PATRIK.
Ne blegan ket va glin dirak ho Toueou
Rak ho Toueou-c’houi n’int nemed hunvreou
Eun Doue zo ha n’euz nemed unan hebken
En nenv war an douar hag en iferniou yen.
MILLOUR.
Ah ! paourkeaz reuzeudik, tav gant da wall gomzou
Ha diouall ne zounnfe da deod en da c’henou.
KADOUR.
Evelse ’ma Breiziz, oh ! n’oun ket souezet
E vefent dre ar bed taolet ha distaolet,
Trei o deuz great o c’hein da zoueou ar vro,
Hag o malloz breman a gouez pounner warno.
