Adlennet eo bet ar bajenn-mañ
50
Dragon Sant Paol.
Da stourm ouz ar zaozon, en em glevet pelloc’h
Ganto !
DIVI.
Gant paganiz !
JERMEN.
Tud mil milliget
A vez gant dourn Doue ken stris all kastizet !
PRIMEL.
Ankounac’heat ho peuz ar pez a c’hoarvezas
E kear Iz n’euz ket pell edoug ar goueliou bras
SULIAU.
Ar mor en e gounnar lammet dreist ar sklujou
A weledas ar gear e kreiz he dizursiou.
Petra zo’ nevez e kear Iz
Ma zeo ker foll ar yaouankiz
Ma klevan me ar biniou
Ar bombard hag an delennou ?
N’euz e kear Iz netra nevez
An ebatou a vez bemdez
N’euz e kear Iz nemed traou koz
An ebatou a vez bennoz
Bodennou drez zo diouanet
Dor an iliz a zo prennet
Ha war ar beorien o ouela
Ec’h hisser ar chas d’o drailla.
