Adlennet eo bet ar bajenn-mañ
55
Dragon Sant Paol.
E Baz pell diouz an trouz o lenn hag o skriva
Hag o pedi Doue e kar hor mestr beva.
JERMEN.
N’oun ket penaoz e pad.
DIVI.
Kaout a rai e varo
Er c’hos toull kutez-ze
PRIMEL.
An dragon hel lounko
Gwelet a vezo great.
PAOL.
Eun dragon zo e Baz ?
PRIMEL.
Eun dragon zo eno.
DIVI.
Chê ! n’her gwiec’h ket c’hoaz.
PAOL.
Ar wech kenta eo deomp da glevet kement all.
PRIMEL.
Eul lagad ruz heb ken dezan e kreiz e dal,
Skantou glaz ha kalet tro wardro d’e ziouskoaz
Ha kement pe vrassoc’h hag eur c’hole daou vloaz
