— 115 —
DIRAG MÊNHIR AR C’HLOASTR [1]
————
D’an mignon ker, G. Fauré.
« J’ai visité la pointe de Penhir, formée de prodigieux pans de falaises de granit, pleine de rochers grandioses et déchiquetés, paysage sévère, rude et sauvage, qui parle à mon coeur. Point de déceptions, point de heurts ou de froissements comme avec les hommes, dans cet incomparable commerce avec la nature. »
War an douar-labour e save an avel
Pa zellen ouz an heol goustadik o vervel,
Goude eun hir-vale en eur vro digenvez,
Goloët a reier, a goad, ’harz ar menez.
Etre ar bed ha me en em gave kenson :
Netra e deun va c’hreiz ne gleven o tason,
Ar mênhir ’zeblante eun teuz-noz o paouez :
Dindan an nenv nep kan, er parkeier neb mouez.
⁂
Endra m’en em rôen ’velse d’ar zebezenn,
Serr-noz a dostaas ’vel ’ra eun hunvreenn ;
An heol a ziskennas ; al loar e-giz eur voul
A rede morlivet a-dreon eur stign koumoul.
Pa blavas dre he nij war eur skourr eur gudon
O heja war he c’hlud ’vel manac’h o sarmon,
Hag o sellet outi e kaven eun eurvad
Beva pell diouz an dud en eun hevelep stad.
⁂
A-greiz-holl, er pellder eur vouez dous a gleven :
He galv doun ha klemmus a oa ’vel eun daskren.
Ha n’oa ket ar vouez-se mouez eur barez doaniet
A rôe da veiza ez oa ankounac’hêt ?…
|
- ↑ En Uhelgoad.
