Pajenn:Pronost - I. Annaik II. Lili ha Roz Gouez.djvu/16

Adlennet eo bet ar bajenn-mañ
— 12 —


DEUZ
————

Deuz, ar meziou zo kaer evel evid eur goel,
Al laboused, oc’hpenn, n’ehanont das kervel,
Adaleg ar mintin, da vont enn ho c’hoajou
Evit meski da vouez gand ho c’hanaouennou.
Deuz, rag enn eur huvreal, euruz ni ielo
A-hed ar wenodenn, e-skeud ar gwez dero.
Ann amzer a zo klouar hag a-boan ann deliou,
Gand ann avelik sioul, a gren oc’h ho skourrou ;
E ieot ar prad ar bleun a zo digor brema
Hag ann dour-red a ruill, enn eur huanada ;
Dindan eunn heol skeduz e lugern ar mor braz
Hag a-boan ma klever trouz ann houl war ann treaz.
Evid-omp en deuz Doue great ann nevez-amzer,
Evid-omp ann Env glaz hag ar meziou ken kaer,
Digemeromp eta laouen he denzoriou
Ha lezomp da dridal, meurbed, hor c’halounou.
Deuz, va muia karet, deuz oc’h breac’h da vignoun,
Deomp el leac’h ma kari lakat da zonjezoun,
Me fell d’in war da dal, e giz eur gurunenn,
Koulma bokejou glaz e-touez da vleo melen.


————