Pajenn:Pronost - I. Annaik II. Lili ha Roz Gouez.djvu/19

— 15 —

WAR VOR

————

Gwel ar mor o lintri
Dindan eunn heol skeduz ;
Em bag skanv e vezi,
Annaik, ken euruz !
N’ez euz ket enn envou
Ann distera koabrenn,
Heb aoun’ta deomp, hon daou,
Vit ma kaninn laouen :

DISKAN

Va bag, dalc’h eunn dervez
Da wel gwenn digor,
Ha lusk va mignounez
War mor ann Arvor.

Lezomp ann teodou fall
Da gomz, ervez ho giz ;
Hor gredenn hon diwall,
Kemeromp hor frankiz ;
Gant ma vimp, dirag Doue,
Direbech da-viken,
E c’hallomp beza gae,
Hag e kaninn laouen :