Pajenn:Proux - Bombard Kerne, 1866.djvu/109

Adlennet eo bet ar bajenn-mañ
— 98 —


Mervel eure ann dihuner, —
Mouget gant-ho ann trompiller. —
Allaz ! na wella tamm ho stad :
Ne ra, enn-eneb, med gwasaad.

Ar vleizez kriz, a c’houde-vez,
Na zerr lagad na ne baouez,
Da bep koulz noz int trubuillet.
Kement-se ho deuz gounezet.


II.


Kalz, kalz en em zishuala,
En em lui waz, peur liesa.
Ma hoc’h euz poan gwaskit war-n-ha,
Lezid ar c’hillek da gana.

Paol-goz zo potr lemm, a lerer,
Koulzkoude eo n’em vourded kaer,
0 klasg eeuna he gar d’he vamm,
He zorred en deuz enn daou damm.


————


Da J.-V. Ann Andouar, e C’hozvac’had.


————


AR MILINER, HE VAB HAG ANN AZEN


————


I.


Eur miliner — he vab hena —
(Daou c’henaoueg ar re wasa)
A lekeaz eunn deiz enn ho fenn
Mond da foar Vre gand ho azen.