Adlennet eo bet ar bajenn-mañ
— 2 —
EUNN TAMMIK KOZEADEN
E TRE-Z-OMP
Lenner ha Lennerez, Kaner ha Kanerez
————
War Don : Ann hini goz.
Mar plich d’ehoc’h va zoniou neve,
Klaskid d’he toniou a zoare,
Toniou lirzin, — Tra, la, la,
Toniou skiltruz, — Tra, la.
Ma ho c’haved re inouuz
(Ar pez a ve din gwall boaniuz),
Roged al leor, — Tra, la, la,
Heb chipota, — Tra, la.
Stlaped-han, prim, er fornigel,
Taned diou-t-han ho kerniel,
Paket, gant han, — Tra, la, la,
Louzou pe zoa, — Tra, la.
Mailluret butun ha blonek,
Torched, zoken, ho… fri, ho pek,
War ze vo peoc’h, — Tra, la, la,
P’hoc’h euz prened, — Tra, la.
Hogen, ho pedi ’rann ervad,
Lezit va zoniou enn ho stad,
Ger, evid ger, — Tra, la, la,
Heb o drailla, — Tra, la.
