Adlennet eo bet ar bajenn-mañ
— 12 —
Ha ! Perag n’am euz ket
Ho Telen alaouret ?
Heb ehan, me veulje
Oberiou kaer Doue,
Me zraillje, hep-paouez,
Dindan zaol va boutez,
Ann holl amprevaned
A skuill binim er bed.
————
Da Iann Arc’hant, e Paris.
Eur gwir vugel,
Da Vreiz-Izel
A ra enor
D’he vamm Arvor.
————
CHAPEL ZAND-ERVOAN
————
I.
O tremen parrez Kalanhel
En em gaviz rez eur chapel ;
Eur chapel zaved a-nevez
Da zand-Ervoan-ar-Wiriounez.
Uz ann or dal zo kizellet
Skoed Du Parc, aotrounez brudet,
Gant o ger : Trec’hi pe vervel !
Ger tud dispouroun er brezel.
