Pajenn:Quéré - Kanaouennou Kerne.djvu/169

149

« Tommik mad eo bet ar souben,
» Emezhan : ar penn-ma ’r guden
» N’eo ket bet eaz da zibuna.
» Kenta gounit, koll diveza,
» Kollet e meuz, me ’ c’hounezo ;
» Ne zounjomp ket c’hoas e’n distro. »
D’an ampoent, e vel daou sparfel
Ho tont ker primm hag an avel
Hag hi ho daou, paravia,
Var zu e’n han alegenta
Keit ha m’edo, divar he benn,
An daou skoul oc’h en em zispenn,
Hep sounjal kals e’r pes a ra,
Gant e strafuil e’n eun ti e za.
Eur bugel a ioa e’r c’houldri.
Sell, emezhan, pebez c’hoari ?
Hag e peleac’h e teu eman ?
Deomp da c’hoari horel ganthan.
Hag a daoliou baz, e klaske
Terri he benn ouz an dube.
Ar maro, var ar levereur
A rank gortoz ma sko he heur.
An taoliou baz, an taoliou mein
A gouez holl ebiou d’he gein.