Adlennet eo bet ar bajenn-mañ
196
III
Perak, en eur zellet ouz koumoul an Envou
Douget skanv var ho diouaskel,
Pe rodellet gant an avel,
E kavan va Ene leûn-bar a hirvoudou ?
IV
Perak, en eur zellet ouz va lochen valan,
Kuzet dindan an iliavèn,
Evel eun neiz en eur vojen,
Ne zantan, mui, hirio, nemed nec’h ha guelvan ?
V
Perak, en eur gleved kanaouen ar voc’h-ruz,
Var skour orjelluz ar vezen,
Pe gleuz alaouret ar flouren,
Ne gouez divar va zeod, nemed klemmou mantruz ?
VI
Perak, va-unan-penn, e bordig an dour red,
Pa zelaouan hiboud ar ster,
E leac’h sonjezonou seder,
Eo eur vantel a gaon a c’holo va spered ?
