Pajenn:Quellien - Annaïk, poésies bretonnes.djvu/126

Adlennet eo bet ar bajenn-mañ
109
ANN AMZER DA DONT


ANN AMZER DA DONT



Me na rann van hag hen vo braz,
Na rann van hag hen vo bihan,
Oar ann dol ouz ar bara poaz
Bihan pe vraz me na rann van.

Da guz-heol pe da darz-ann-de,
Ann awel iud adren d’am zi,
Gant peb amzer, e peb mare,
Laouen me na vinn gwelet mui.

Ma klevann komz kichen ma dor.
Komz pe c’hoarzin pe gizio all,
Nemet pa ganer me’ digor
En evor ’m euz kanet gwechall.

Gwechall barz eur roantelez
Den joausoc’h n’ho pize kat ;
Breman eo mud ma c’halon gez
’Vel ronsed skuiz d’ho skourjetat.

Hogen n’on ket c’hoaz tost d’ar ger,
Ha dent eo ann noz tro-war-dro ;
Ar ger rai ’vid-on ar c’hleuier
N’e ket toullet c’hoaz ’barz ma bro.