Eunn nozvez a viz gwengolo Oa tan ha kurun enn envo, Eur gwall amzer, ’vel ’m euz gwelet Enn aod Penn-Marc’h hag e Geodet, Ken grene log ar pesketer Ha krene mui he wrek e ger. ’Kreiz al luc’hed hag ar c’hurun Pa oann me krog em c’henta hun, Eunn huvre deut euz Breiz-Izel Diouganaz ma bro o vervel. Ann Arvor dilezet a-gren ’Vel ar fo brein ’ribl ann aven. Hostizez Bêar ’treuz he dor A c’houlenne gand ar c’hoador
