N’in ket ’vel eul laer ’kreiz ann noz,
Aman azein oar-ar roz
Euz al lec’h weliz aliez
Tour hag iliz ha tiegez,
Tiegez ar ger ha bered :
’Vid ann noz-man n’ho gwelann ket.
C’houez vad deue euz ann draouien,
C’houez ar bleunio gand ann dosen,
Bleunio n’ouzonn ken ho c’hano,
’Vel den ma hini barz ma bro.
Ha kollet ar c’houlz euz ar bla,
Neve amzer nag han na oa ;
Na oa na mare nag amzer :
N’a vorzole ken ar c’hleier,
’Vel er vue da virviken
Ar c’hleier na vorzolent ken.
Hag en ’man ann de o seval
Gand ar vrumenn a sav hual,
Hag en eo ann de ar vrumenn
A sav duhont euz ann draouien :
