Al leor-man ’m euz skrivet ’balamour oar ar be
Evid ar re varo ve skrivet in pace ;
Hag hen ’m euz skrivet c’hoaz, evel ar re doaniet
Gant koun d’ho flijadur enn amzer dremenet ;
Hep kounnar na gwad ru em liou ’m euz skivet c’hoaz,
Gand daero ha keun stard d’am iaouankiz, siouaz !
Nag hirvoudi na rann na goulenn nep true :
Dre ma ioul on gwallet, ha dre ioul vad Doue.
’Vel eur fubuen noz, devet he diou-eskel
Ouz ar golo rousin, a goue er fornigel,
Re dost am boa gwelet eur steredennig gaer
’Kreiz ar bruk, ’n aod Arvor, pa oann me c’hoaz er ger :
Lagad glâz, bleo melen evel zoul er parko,
Plac’h vrao oa Annaik ha rouanez ar vro ;
Dirag ho rouanez ’vel ra ar zujedi,
Me zo ’n em daoulinet evuruz dirag hi,
