Gwelet hoc’h euz enn devalijen ’Barz ann noz teval eur sklerijen ? Al luc’hed didrouz en noz teval ’Zo eunn ine kez o klask eunn all. Klevet hoc’h euz goude anter-noz, Pa n’ ganer nemed er baradoz ; Goude anter-noz klewet hoc’h euz, Nemed enn ifern pa na ve keuz, Evel eunn diskan klevet gwechall Eur vouezik truezuz en noz dall ? Eur vouez-noz o c’houl true, kristen, Zo kloc’h-gelv eunn ine o tremen. Evelse eur wech, na larann gaou, Huel ann dosen, ar ster e traou,
