Pajenn:Quellien - Breiz, poésies bretonnes.djvu/107

Adlennet eo bet ar bajenn-mañ


NOZ ANN NEDELEK
————


Sonet ann ofern anter-noz ;
Ar gristenien et d’ar baroz,
Nemet Iann Kouer zo ’barz ann ti
Hag al loened er marchosi.

En oaled av c’hev a c’hlaoue,
Ha Iannik Kouer a vorgouske,
Maro ann tan ebarz he gorn,
Alc’houe ar c’hraou gant-han ’n he zorn.

Ann Nedelek p’az e kanet,
A zo breman tro al loened
Da darempred Mabik Jezuz,
Ar gristenien p’int et da guz.

P’a tremenet loened ar vro,
Da vond gant-he d’ann oviso
Zaout Iannik Kouer ho deuz galwet :
Siouaz ! dor ar c’hraou zo serret.