|
Ar potr-kar reaz he dol skourje :
’Nn duporl arok, ’r re-man goude,
Daou ha daou, skourmet ho divrec'h
’War ko c’halon, evel menec’h.
Gand ann dro-gorn p’az int koachet,
Nemed ann duporl n’oe klevet,
Strons ar rojo dre ann hent-kar,
’Vel evit gori sklog ar iar.
Ar sklokerach en eur bellât
Nemed ann awel o c’houilât
Klever hirvouduz ann awel
A ren dreist ar c’hleunio huel.
⁂
Ar re-ze ’n ho bugalerez
Deuz chilaouet hon awel kez,
Pa glemm, pe gelv, pe kan, pe goel,
D’eur vouezik ker o komz henvel,
Er goanv ’vel kimiad ann ine
Ha d’ann han son ar garante,
|
