Pajenn:RBV 1873-2 p145-148.djvu/3

tin ! tin !… A-dâl al lun, bete noz, bep sadorn,
A vije gwelet pâl, tranch, pe falz en he dorn ;
Kouls-goude na oa ket, ann den kêz, pinvidik,
Hag a veule Doue c’hoas euz he lodennig.

tin ! tin !… Karet hen eûz he vro dreist ar mado,
He vro hag ar iez ker komzet gant he dado ;
Biskoas n’eûz dilezet he vro gaer Breiz-Izel,
Met Siouas ! pa rinkas, un de, mont d’ar brezel.

tin ! tin !… Neuze lâras kenavo d’ann ilis
Lec’h ma oe badezet, d’he dud, d’he iaouankis…
Ha war ann enebour e redas kalonek,
Evel ann holl botred a gomz ar Brezonek.

tin ! tin !… hag en emgann neblec’h na oe gwelet
Gwased hag a vije muioc’h stard ha kalet
Dirag ann enebour eget soudarded Breiz,
Dre ma karont ho bro, ho Doue hag ho feiz.

tin ! tin !… Karet hen eûz iez Breiz hag he sonio,
Hag he leurio-newez, gourenno, pardonio,