Kadarnaet eo bet ar bajenn-mañ
Da hanternoz, dirak ostaleri « an Trilonk ».
nomenoe, er-maez
Oe !
eur soudard, er prenestr
Piou an istrogell a zo en traoñ, o hopal : oe ?
nomenoe
Oe ! Oe !… Digor ’ vo, pe ne vo ket ? (Skei a ra war an nor.)
mestr an ti, e fri er prenestr
Archer pe lakepod ?
nomenoe
Nomenoe.
mestr an ti
Kae e-biou gant da hent, Nomenoe hag all. Leun eo an ostaleri ha n’eus kambr ebet mui. (Nomenoe a sko war an nor.)
nomenoe
Digor a c’houlennan. (Mestr an Ti, eur penn-baz en e zourn, a zeu da zigeri.)
mestr an ti
Digeri a ran an nor, nemet ker e kousto d’it da abadenn gousk.
nomenoe
Ne zigor ket re abred an nor.
— 119
