Pajenn:Riou - Nomenoe oe.djvu/18

Adlennet eo bet ar bajenn-mañ

An impalaer gall
A vo…

Eun Trede Bugel

…Fall.

Gwenoll

Gwir eo ; an impalaer gall, galloudek gwechall, a zo aet da fall. Ne dalvez mui netra ebet, hag ar vugaligou-se a gar kement o bro !… (kenderc’hel a ra).

Ar brini lor, ar brini du…

Eur Pevare Bugel

A zo fall du.

Gwenoll

Mil malloz ruz !

Ar Bugel

Turlututu !

Gwenoll

An azen a reont ganin. Paour kaez Nomenoe !…

An Holl Vugaligou

Oe-oe !…

Gwenoll

A ! bugale dianket, ker e gousto d’eoc’h. War-sav ! war-sav ! En em wiskit buan, paotred ! Buan ha buanoc’h ! D’an dour ! d’an dour ! Ha te sevel a ri ? (Gwinta a ra eur paotrig eus e wele). Ha ma chom eur bikouzenn e korn da lagad hag eur gramenn adreñv da skouarn, ne zebri epad eur sizun nemet kreun ha bruzun.

Ar Bugel, difoutre

Kreun ha bruzun eus ar meurz betek al lun.

Gwenoll

Dal ! da lod ! (Hag e ro d’ezañ eur flac’had ouz kostez e benn).

Ar Bugel

Oe !

Gwenoll

Goap a rez ouzin c’hoaz ? (Hag e ro d’ezañ eun taol troad en e benn adreñv).

16 —