livr a Imitation Jesus-Chrouist. Liès é oai étré é zeourn, ha ne bassai dé er bet hemp leinein ur chapistre benac, pe ur bagen benac a nehou. Ehué ellein e rer larét en en dès ean studiet durant é vuhé eit quemér en esprit a nehou, hac é tenné a nehou er regle a behani en en dès hum cherviget berpet eit mæstrein ar é hoal inclinationeu hac ar zesirieu é galon.
Ag er hombat spirituel é vou enta èl a Imitation Jesus-Chrouist ; leinet vou perpet ha tennet vou a nehou ur profit bras.
Sellet el livr ag er hombat spirituel, avel un tresor pretius, avel unan ag el livreu excellantan, peré e gompren er peh e zou parfætan ér religion a grechéneah. Leinet tabasquic, ne hum bresset quet, ha pouiset erhat er peh e leinet. Hum arrestet un nebedic ar er peh e douche muihan hou calon ha quemeret er resolution d’er pratiquein, guet er secour a hræce Doué.
Pliget guet Doue ma chervigeou el livr-mnan aveit é hloër, aveit inour er uèriès glorius Vari, hac aveit salvedigueah ineanneu prenet dré ouaid precius me Salver Jesus-Chrouist.
