18 Mæs Jesus péhani e hanàué ou fallanté e laras tehai : Tud lan a gùeuïér, perac en em anzéet-hui ?
19 Discoeit t’eign er péh argant e zeliet paiein de Cesar. Ind e hras dehou un dinær.
20 Nezé Jesus e laras dehai : Péh havaledigueah ha péh hanhue e zou merchet ar er péh-cé ?
21 Havaledigueah ha hanhue Cesar, é mé ind ; Hama, emé Jesus, daccoret de Cesar er péh e zou de Cesar, ha de Zoué er péh e zou de Zoué.
22 Ha pe ind e gleuas quemént-cé e oent souéhet bras, hag arlerh en dout lézet anehou, ind e yas quit.
23 En dé-zé er Saducénèd peré e lare ne zàüou quet en dud a varhue de vihue, e zas d’en gavouèt, hag ind e houlennas en dra-men guet-hou :
24 En ul laret : Eutru, Moïse en dès laret : Mar marhue unan benac hemp bugalé, re ziméiou é vrér d’é voés aveid digass hâd d’é vrér.
25 Mæs bout e oé en ou mésq seih brér ; hag er hetan goudé bout bed diméiet d’ur voés, e varhuas ; hag él n’en doé quet a hâd, ean e lausquas é prièd d’é vrér.
26 El-cé e digoéhas d’en eil, d’en drivèd betig en seihvèd.
27 En dehuéhan ol er voés e varhuas ehué.
