Gloar en envou da Zoue, joa d’an dud var an douar. Meuleudi d’eoc’h, va Doue ; bennoz a gloar d’eoc’h evel m’eo dleet da un Doue, crouer a mestr an oll. Ni ho trugareca, Aotrou souveren, Roue an Ee, Doue an Tad oll-c’halloudek.
Jesus, Oan Doue, Mab unic an Tad, Doue a mestr ar bed oll, Oan digasset da effaçi pec’hejou an dud, bezet truez ouz-omp ; ac eus ar baradoz, e leac’h m’ema ho Rouantelez evel hini an Tad ac ar Spered-Santel, grit ur zell a druez ouz-omp. Saveteit ac’hanomp, c’hui hoc’h-unan eo a c’hell hen ober, c’hui hoc’h-unan eo a zo santel, hor Mestr ac hon Aotrou, huelloc’h eget an Ee, gant ar Spered-Santel, er memes gloar gant Doue an Tad. Amen.
Roit d’eomp, va Doue, dre bedennou ar Verc’hez Vari ac an oll Zent, an oll grassou a c’houlenn ho ministr brema dezan he-unan a d’eomp-ni. A-unan gantan e c’houlennan ive ar memes grassou-se, d’ar re m’eo dleet d’in pedi evito. Roit dezo a d’in va-unan, va Doue, an oll zicourou m’hon euz izom anezho evit gounid ar Baradoz. Dre veritou Jesus-Christ hon Aotrou.
