Pemzecvet Cantic. Var ar feiz

J.-B. Lefournier, 1836  (p. 57-63)



PEMZECVED CANTIC.


Var ar feiz, eleac’h ma zeo comprenet quement zo necesser da gredi evit beza salvet. Var an ton : M’hoc’h ador va Doue, va c'hroüer.



Doue en deveus hor c'hroüet
Evit e anaout, e garet,
E servicha mad er bed-mâ,
Ha bez-en Eê eürus gantâ.

Evit caout an eürusdet-ze.
A bado un eternite,
E-zeus tri zra zo necesser,
Ec’his ma tesq deomp hor Salver.

Cetu-y amâ, liquit eves,
Feiz, Esperanç ha Carantes ;
Ar re-mâ eo an teir vertuz
A dle hon renta-ni eürus.

Dre’r feiz e credomp assuret
Quement en deus Doue propozet
D’e Ilis santel, ha dreizi
Deomp oll er bed-mâ da gredi.

Chetu amâ petra zo red
Da gredi dre ûr feiz parfet ;
Selaouit gant attancion,
Hac imprimit-ên en ho calon.


Ne deus nemet un Doue ebquen,
Zo a viscoas, da virviquen,
Ur speret pur hac oll barfet
En deus a netra great ar bed.

Ne deus netra cuzet ountâ,
Tout e c’hene, partout ema,
Guelet a ra found ar galoun,
Rac-ze, pec’heur, ho ped aoun.

Tri ferson a zo en Doue,
Distinc an eil dioud eguile ;
An Tad, ar Map, ar speret-Glân,
Parfet, ha guir Doue pep-unan.

Mès p’o deus o zri gouscoude
Just ar mêmès divinite,
(Evel m’en desq ar feiz cristen ;)
Ne reont nemet un Doue epken.

Ar myster-mâ a zo galvet
Myster adorabl an Dreindet ;
Petra bennac n’er c’homprenit,
E gredi parfet a renquit.

Edoump oll, siouas ! dre’r pec’het,
Esclavourien d’an drouc-speret ;
Doue’n deus bet truez ouzomp,
Ha roet ur Redemptor deomp.

E Vap evit dont d’or prena,
Zo bet concevet er bed-mâ
Dre vertuz ar speret-Santel,
Hervez comps an Eal Gabriel.

Gant Mari e vam benniguet,
E vam hac hy Guerc’hes bepret,
Oue ganet en eur c’hraou dister,
Er goan, hac er brassa miser.


Ouspen ma zeo-ta guir Doue,
Assambles eo guir den ive ;
An ano zo dezân roet
A Jesus-Christ Salver ar bed.

En eo en effet hor Salver,
Hor victim, hor Pontif, hor sqüer,
Hor pen, hor mest, hac hon Autrou,
Pastor, ha buez hon eneou.

Nemet dreizâ dirac e Dad
N'ellomp morse beza deuet mad ;
Eptân ennomp nep santeles,
Evidomp nep silvidigues.

Cundüet en deùs eur vües
Leun à boan hac à baourentes,
O tisquez deomp eo dre boanyou
E rencomp antren en Eêvou.

Evidomp oll var ar groas
E sacrifiç en em offras ;
Teir heur er groas e oue staguet,
Ha bete’r maro tourmantet.

E gorf a oue sebelyet,
E ene diountân separet
A zisquennas en ifernou
Da zilivra an eneou.

Da ben tri dervez ma varvas,
Leun à c’hloar e ressuscitas,
Ha da ben daou-uguent dez goude
E pignas triomphant en Ee.

Eno var un tron immortel,
An tu deou d’e Dad eternel,
Eo azezet, egal dezân,
Hac en ur mêmès gloar gantân.


Eno en deus sounch ac’hanomp,
Hac e prepar plaçou deomp ;
Eno hon eus dirac hon tad
Un Doue evit hon Alvocad.

Ac’hano e teui, un devez,
Da varn an dud hac an Ælez ;
Neuze da zoun an trompillou
E ressuscito ar c’horfou.

Ar re fall a yel da jamès,
Da lesqui e flammou grizyes ;
Ar re vad a yel gant Jesus,
Da veza da viquen eürus.

D’ar Pantecost an Ebestel :
O devoue ar Speret-Santel
Gant pini eo assistet
An Ilis gant Jesus fountet.

An Ilis a zo compozet
A dud fidel, a Bastoret
Dindan ar pastor eternel,
Ha dindan ar Pab e viquel.

E meas anisi ne deus quet
A voyen da veza salvet,
Ne ouffe biquen fazia,
Na dre-ze ive hon troumpla.

En Ilis-mâ en deus lèzet
Jesus un tenzor caër meurbet,
Pini eo ar Sacramanchou
A zo leun eus e veritou.

Dreizo ar c’hraç a recevomp,
A gonservomp hac a grescomp,
Ha dreizo c’hoas, m’ar he c’hollomp,
A nevez flam he obtenomp.


Bez’eus seiz Sacramant guirion,
Badiziant, Confirmacion,
Hini an Auter, Pinigen,
Urz, Priadelez, ha Noüen.

Da guenta dre ar Vadiziant
E ves an den rentet exant
Eus ar pec’het originel,
Great cristen, ha da Zoue buguel.

Rei a ra’r Gonfirmacion
Nerz deomp ous an dentacion,
Ha da choum ferm en hon lèzen
A despet d'hon adversourien.

Er Sacramant à binigen
E recever, dre’n absolven,
Remission à bep pec’het
Goude’r Vadiziant coumetet.

Er Sacramant eus an Auter
Emâ Jesus-Christ tout-antier,
Evit mezur hon eneou,
Ha crisqui eno e c’hraçou,

An noüen a deu da lamet
Ar restadou eus ar pec’het ;
Crê hon rent da soufr hor poan ;
Ha da resista oud Satan.

Ha pa vez profit hon ene,
E ro d’or c’horf yec’het ive ;
Rac-se p’en-em zanteur goal glan,
E renqueur caout recour dezan.

An Urz eo a ra Beleyen
Da celebri an Oferen,
Ha da zicour an dud fidel
Pa vont d’ar vüez eternel.


Etre o daouarn sacr bemdes,
Belec ha Victim assambles,
E ro Jesus er sacrifiç
Gloar d’e Dad, graçou d’e Ilis.

Ar Briadelez a laca
Daou bried christen da veva
En union, e carantes,
Ha da guelen mad o lignes.

Chetu an tenzor excellant
He deus an Ilis Militant,
Hac a fournis dizi graçou
Evit he c’hundui d’an Eêvou.

An Ilis a vès diviset
E teir en eur c’horf unisset,
Hac hanvet Ilis Militant,
Ilis Souffrant, ha Triomphant.

En Ilis Militant emâ
An dud fidel er vuez-mâ
Unisset dre’r mêmès lèzen
Ha dre ar mêmès feiz cristen.

Unisset eo c’hoas he memprou
Dre ar mêmès Sacramanchou,
Ha dre’r gommunaute santel
Eus à vadou spirituel.

An Ilis souffrant eo ar re
A zo maro e graç Doue,
Hac er purgator arretet
Da soufr ar boan dleet d’o fec’het.

Suffrajou’n Ilis Militant
A ell abregi o zourmant,
Hac o dilivra quent a-ze
Da gaout ar guêl eus à Zoue.


Anfin, an Ilis Triomphant
Eo ar re zo presantamant
O jouissa hac o repos
Er c’hloar emeus ar Barados.

O fedennou santel en êe
Evidomp oll dirac Doue,
A zo dre Jesus hon Autrou
Ur zourcen eus à faveuriou.

Va Doue, houma eo va c’hreden,
Quent renonç dezi e varfen ;
e a gred c’hoas quement a gred
An Ilis santel ho pried.

Guerc'hes, pedit ho Map Jesus
Da rei ding ar c’hraç precius
Da gredi ferm ha da heuil reiz
An oll articlou eus ar feiz.