Pet gùéh é teliér covessat ha communiein


CHAPISTR HUEHVET.


Pet guéh é telier covessat ha communiein.


ER verdér ha hoéreset e govesseï hac e gommuniou (d’er bihannan) tair gùèh ér blai, de Nendelêc, de Basq, ha d’er Pantecoust. Mæs quênt ou gobér int ou dou soign a obér ou feah hac amitié guet ou nessan, ha de restituein mar ou dès groeit gueu doh t’ou.

Explication.

Gùélet e ramb dré er chapistr-men ne dostér liès d’er Sacremanteu é gré sant Françæs, pé a balamort d’er bihan a zevotion en doai en dut ag en amzér-zé, pé rac ma ou doai hilleih mui a respet eit omb doh er Sacremanteu, mystérieu quer bras ha quen terribl, ha rac-cé mui a eah a ou disinourein ; pé rac ma hoènt santelloh ha sonnoh eit omb, ha rac-cé n’ou doai quet d’obér quel liès èl omb de dostat d’er Sacremanteu, eit clasq ér vamenneu crihue a græce Doué, un abondance a secourieu, eit reparein en innoçance collet, e gonserveint int guet mui a fidélité.

Ne fal quet neoah ma credou er verdér n’en dé quet permettet dehai tostat d’en neu Sacremant-cé meit d’en déïeu merchet ér chapistr-men ; int e éellou tostat dehai quel liès gùéh ma permettou en Directour pé Hovezour dehai. Custum er gongrégation a Baris é communiein peb sul ha gouil, eit goulen guet Doué é græce hac é viséricord eit en Ilis, er Ranteleah, ou Bugulion spirituel, ou famil, hac eit er verder ha hoéreset ag en Urh.

Mæs ret é ma reint un attantion vras ar en obligation ou dès d’obér ou feah hac amitié guet ou nessan, mar dès caz pé yeinnion étré-zai, ha de restituein, mar ou dès groeit gueu doh t’ou ; rac pihue benac e dosta d’er Sacremanteu guet caz doh é nessan, pé guet é vadeu étré é zeorn, hemb en dout ur gùir volanté d’ou zaccor quentéh èl ma ellou, e dro madeleah Doué é drougueah hac e Sacremanteu de sacrilégeu.