|
Evit beva e graç Doue bepret,
Eo necesser cundui ur vues reglet ;
Oc’h implija ervad an oll amzer,
Chetu amâ ar fæçon d’e ober.
Boasit bemdes da sevel mitin-mad,
O vont abred da gousquet dious ho stad ;
Mintin-c’houlou d’am c’hlasq nep à savo,
Eme Zoue, a dra-sur am c’havo.
Songit e Doue quenta ma tihunit,
Hac ho calon dezan neuze offrit ;
Grit sin ar groas gant an dour benniguet,
Ha savit pront hep diegui ebet.
Quemerit prest ha modest ho tillad,
O lavaret un Oræsoun bennac,
Evel ma ve Gourc’hemennou Doue,
De profundis, hac ar Miserere.
Goude, dirac Imach ar Grucifi
Hac an Imach eus ar Verc’hes Vari,
En em liquit devot var ho taoulin,
Evit ober ar beden dious vintin.
Adorit ha trugarecaït Doue,
Ha goulennit pardon ountâ ive :
Offrit dezâ ho terves hed-ha-hed,
Ha pedit-èn d’oc’h assista bepret.
It, mar guellit, bemdez d’an Oferen,
Ma contantot an Autrou souveren ;
Ha communiit spirituellamant
O tezirout receo ar Sacramant.
It goude-ze d’an occupacion
Ma zouc’h galvet dious ho condicion :
Na chomit quet da laëres an amzer,
Ha grit bep tra er guel eus hor Salver.
Pa goumançot un dra à gousecanç,
E c’houlennot ous Doue e assistanç ;
Oc’h e echui graçou dezan rentit,
Hac ar fautou great ennâ regretit.
Songit e Doue alies var an deis,
Oc’h e gridi presant gant ur guir feis ;
Hac aviziou galvit-en d’ho sicour,
Oc’h offr dezân ho poan, ho labour.
M’ar c’hoarves deoc’h beza controliet,
Bez’affliget, tentet, injuriet,
Ho pêt recôur dezâ neuse-souden,
Fizyt ennâ, pedit-èn d’ho souten.
M’ar desirit ober eur profit bras,
Vâr dro cresdeiz, quent ma zeot d’ho repas,
Examinit ha c’hui a ve couezet
Hed ar mintin e faut notabl ebet.
M’ar beac’h couezet, e c’houlennot pardon
Digant Doue eus à greis ho calon,
O proposi da lacat guell eves
Ous ho tefaut ar rest eus an deves.
Ha quellies ma teui ho coustianç
Da rebeich deoc’h ho pe great nep offanç,
Grit prest un Act à vir gontricion,
Ha tec’hit pell dious an occasion.
Abars dibri, ar Benedicite
A leverrot, hac Agimus goude ;
Na zibrit quet etre ho repasyou,
Ma na yez ret e ober aviziou.
Teir gueich en deiz, devota ma ellot,
An Angelus d’ar Verc’hes a offrot ;
Ho pêt dezi ûr guir devocion,
Ha pedit-hi e peb occasion.
Da neubeuta dious nôs ha dious vintin,
Da Sant Joseph pried ar Vam divin,
Ha d’oc’h Eal-mad, ha d’ho Paëron santel,
Ho pezo c’hoas devocion fidel.
Pedit bemdes evit an anaon ;
It d’an Oferen en o intencion ;
Pa leverrot graçou goude ho coan,
Pedit Doue d’o lamet eus a boan.
Da Justiç Doue evit satisfia,
E tleit bemdes en em fortifia,
Ispicial er guelet, er c’hlevet,
En teaud, er gout, hac ive er c’housquet.
Da-viana bep sizun e ve mad
E praticac’h ur binigen bennac,
Evel o yun ar Sadorn, p’er Guener,
Da enori Passion hor Salver.
Grit liessoc’h œuvrou a drugares,
M’en devezo Doüe ouzoc’h trues ;
Ha sicourit, abalamour dezâ,
E peb isom, m’ar guillit, ho nessa.
M’ar de possubl, en ho Parrès bepret,
Sul ha Gouel-bers iit d’an Oferen-bret,
D’ar Gousperou, ha d’an instruccion,
Gant modesti ha gant devocion.
Hac è quen cas ma veac’h en ur goal stad,
Grit neuse c’hoas ur Gonfession vad,
Hep coll jamès ar fizianç e Doue,
Na quen nebeut e zoujanç couscoude.
Goude’r servich en em antretenot
E lecturiou, ha canticou devot,
Ha canit-hi var ho labour bemdes,
Da veuli Doue oc’h imita an Æles.
Lies-a-veaich, bep mis da-viana,
Iit da govez, ha da gommunia ;
Ispicial pa vez induljançou,
Tostait devot ouz ar Sacramanchou.
Mæs ret eo deoc’h choas ur C’honfessour mad,
Ha na zeuit quet hep ræson d’e guitaat
Discleriit franc gant feiz ha gant fizianç.
Evel da Zoue, deza ho coustianç.
Neuse grit ferm ar resolucion
Da drouc’h a grenn peb goal occasion
Ha da drec’hi ho coal habitujou,
Evit pelloc’h pratica ar vertuziou.
Ha mar douc’h mæstr pe vestres en ho ti,
Sellit ouzpen ar voyen d’e regli,
Ma raï ho tud bemdes ar pedennou,
Nôs ha mintin ha goude ar prejou.
Ma tostaint ous ar Sacramanchou,
Ma c’hasistint devot en oviçzou,
Er sarmoniou, hac er c’hatekismou,
Sul ha Gouel-bers hep ober labourou.
Na list nicun anezo da vezvi,
Da zrouc-presec, da douet, da vlasfemi,
Da heul an danç, da ober gestou sot,
Rac evito da Zoue e respountot.
C’hui bugale, ha c’hui servicherien
Douguit respect d’ho tud hiviziquen,
Sentit ounto bepret, e Peb fæçon,
Hervez Doue hac herves ar ræson.
D’ar fin e reot ar resolucion,
Hervez ho stad hac ho condicion,
Da remplissa ho carg hac ho tever
Gant ar sicour eus à c’hraç hor Salver.
Hep faot ebet, quent ma zeot da repos,
Grit a galon ar beden dious an nôs,
Guelit penaus oc’h eus Doue offancet
Epad an deiz, o caout ur guir regret.
En em liquit er stad ma tesirac’h
Beza cavet en nos-se ma varvac’h,
O supposi en ho quele pa zit,
Eo en ho pez memes e c’hourvezit.
Ma na gousquit, songit er bassion,
Pe livirit un dra a zevocion,
Pe gontemplit poaniou ar Purgator
Ha re’n infern gant spont hac horror.
Ma rancac’h chom ato en ho quele,
Songit pe seurt enouamant ho pe ;
Hoguen penaos en ur guele à dan
Chom da zevi hep jamæs reposan.
Evit cousquet etre divrac’h Jesus,
E leverrot neuse an in manus.
Pehini oue an diveza peden
A reas Jesus er Groas abars tremen.
Pa chomot clan dreist peb seurt remejou,
Ho pe recour d’oc’h oll Sacramanchou ;
Evit neuse, m’ar deu Doue d’ho quervell
Ma viot prest ha contant da vervell.
Er fæçoun-mâ mvar reglit ho puez,
Doue ouzoc’h a sello à druez,
Hac a roï deoc’h ar peoc’h spirituel,
E c’hortos rei ar repos eternel.
|
